Մարտի 20-ին Երջանկության միջազգային օրվա կապակցությամբ ԵՄ վիճակագրական ծառայությունը՝ Eurostat-ը հրապարակել է Եվրոպայի ժողովուրդների՝ կյանքի նկատմամբ ունեցած բավարարվածության վերաբերյալ ամենամյա վիճակագրական ուսումնասիրությունը:
Հետազոտության համաձայն՝ 2015թ. ևս հնագույն մայրցամաքի ամենաերջանիկ ժողովուրդները սկանդինավցիներն են՝ դանիացիները, ֆինները, շվեդները. կյանքից նրանց բավարարվածության աստիճանը գնահատվել է 8 բալ՝ ընդհանուր 10 բալանոց սանդղակից: Իսկ եվրոպական ժողովուրդների երջանկության միջին ցուցանիշը 7,1 բալ է:
Վարկանիշային դասակարգման վերջին հորիզոնականում են հայտնվել բուլղարացիները, որոնց երջանկության ցուցանիշը 4,8 բալ է: Եվրոպայի ամենաապերջանիկ ժողովուրդների շարքում են նաև հույները (6,2), պորտուգալացիները (6,2), իտալացիները (6,7):
Արմեն Պետրոսյան
