Աշխարհահռչակ Forbes ֆինանսատնտեսական ամսագրի իսրայելական հրատարակությունը (Forbes Israel) դասակարգել է երկրագնդի տարբեր հատվածներում գործող 10 ամենազադեցիկ ահաբեկչական կազմակերպություններն՝ ըստ նրանց ֆինանսական կարողությունների, տարեկան եկամուտների:

Ինչ խոսք, վարկանիշային ցուցակին անգամ հպանցիկ կերպով անդրադառնալիս՝ անմիջապես ակնհայտ է դառնում որոշակի կողմնակալություն՝ պայմանավորված Իսրայել պետության անվտանգային և հակաահաբեկչական քաղաքականության առաջնահերթություններով:

Այսպիսով, ըստ Forbes Israel-ի, «ամենահարուստ» ահաբեկչական կազմակերպությունների տասնյակը հետևյալ տեսքն ունի՝

1. «Իսլամական պետություն» (Իրաք, Սիրիա, Հորդանան), տարեկան եկամուտը՝ շուրջ $2 մլրդ

2. «ՀԱՄԱՍ» (Պաղեստինյան ինքնավարություն, Իսրայել)՝ շուրջ $1 մլրդ

3. «Կոլումբիայի հեղափոխական զինված ուժեր» (FARC) (Կոլումբիա)՝ շուրջ $600 մլն

4. «Հիզբալլահ» (Լիբանան)՝ շուրջ $500 մլն

5. «Տալիբան» (Աֆղանստան, Պակիստան)՝ շուրջ $400 մլն

6. «Ալ-Կաիդա» (Աֆղանստան, Պակիստան)՝ շուրջ $150 մլն

7. «Լաշքարի Տայբա» (Պակիստան, Հնդկաստան)՝ շուրջ $100 մլն

8. «Ալ-Շաբաբ» (Սոմալի, Քենիա, Ուգանդա)՝ շուրջ $70 մլն

9. «Իռլանդական հեղափոխական բանակ» (Հյուսիսային Իռլանդիա, Իռլանդիա, Մեծ Բրիտանիա)՝ շուրջ $50 մլն

10. «Բոկո Հարամ» (Նիգերիա, Կամերուն), տարեկան եկամուտը՝ շուրջ $25 մլն:

Արմեն Պետրոսյան