Թոշակները, հարկերը և աշխատավարձերը...

Երեկ շրջանառության հարկի մասին էլի խոսեցին ու քննարկեցին: Ի՞նչ է ստացվում, որ մեր երկրում եթե մարդիկ մի բանից դժգոհ են, այդ հարցը ոչ թե համակողմանի քննարվում է, այլ իրավիճակային լուծում է տրվում: Հիմա 3.5 ը դարձնում են 5 տոկոս: Լավ 5 տոկոս դարձրեցինք, ի՞նչն է փոխվելու, ստվերը կպակասի՞: Համոզված եմ՝ ոչ, մի բան էլ կավելանա, որ մարդիկ 5 տոկոսի տեղը հանեն: Շնորհավորում եմ մեզ:

Երեկ շատ խոսվեց նախկին նախագահների կենսաթոշակի մասին: Այն պետք է կազմի գործող նախագահի աշխատավարձի 70 տոկոսը, բացի դրանից մի շարք արտոնություններ են տրվում նախկին նախագաներին: Չեմ հասկանում, ինչո՞ւ են այդքան քննարկվում: Շատ նորմալ ա, որ նախկին նախագահը պետք է որոշ արտոնություններ ունենա: Բազմաթիվ պետություններում էլ այդպես է ու դրանից տրագեդիա սարքել պետք չի:

Հարկերն ավելացվեցվում են, նախկին նախագահների թոշակները բարձրացվում, բայց նաիրիտցիների հարցը այդպես էլ անլուծելի խնդիր է մնում: Լավ, էդ մարդիկ ո՞նց ապրեն, ենթադրենք այդ մարդկանց 30 տոկոսը տանն ուրիշ աշխատող ձեռք ունի ու այսքան տարի կարողացել է իր գոյությունը պահել, բա էն մարդիկ ինչ ասեն, որ այդ աշխատավարձի հույսին են ու ուրիշ եկամտի աղբյուր չունեն: Կոմունալները, եթե չմուծեն, կմնան առանց գազ, լույս, ջուր, բա փող ստացե՞լ են, որ մուծեն, թե՞ կապ չունի պետքա մուծեն:

ԱԺ-ում իրար դեմ դուրս գալուց ու անձնական շահերն առաջ բրդելուց ավել բան չեն անում: Դրա համար էլ 3.5 ը կդառնա 5: Այ, որ մի հատ իրանք իրանց անձնականը մոռանան, նստեն, գլուխ գլխի տան, մի բան կստացվի, թե չէ սենց ո՞ւր ենք հասնելու: Կոպիտ ասած՝ բզբզում են ու դրա համար աշխատավարձ են ստանում:

Mypage.am-ում մի հոդված էր լույս տեսել, որը հայ աղջկա 15 պատվիրանների մասին էր: Շատերն իրանց այդտեղ չգտան ու սկսվեց կարդաբալետը: Ժողովուրդ ջան, հանգստացեք, ամեն մեկն իր բարոյականության չափանիշն ունի ու պետք չի դրա պատճառով պարալիզացնել ՖԲ-ն: Ի վերջո ամեն մեկս մեր խղճի առաջ ենք պատասխանատու, ոչ թե մարդկանց:

Էդգար Խաչատրյան