Քաղաքագետ Ստյոպա Սաֆարյանը ֆեյսբուքյան իր էջում գրել է. «Նախկին իշխանության հույս և ապավեն Վենետիկի հանձնաժողովն արձանագրել է, որ երրորդ սեռի ներդրման, ընտանիքի կառուցվածքի փոփոխության, սեռական կողմնորոշման քարոզչության ու այլ մանիպուլյացիաների մասին Ստամբուլի կոնվենցիայում պետության պարտավորություն և խոսք չկա։ Այն բացառապես բռնության ենթարկվող կանանց մասին է։

Խայտառակ բան ստացվեց․ ՀՀ փաստաբանների պալատը, ՀՀԿ-ն ու մյուսները կամ պետք է խոստովանեն, որ կարդում չեն հասկանում, կամ սրիկայություն են արել հանրությանն ապատեղեկացնելով։ Որն էլ որ լինի, փաստորեն, պարտավոր են հետևել իրենց սիրելի, պաշտելի Վենետիկի հանձնաժողովի պահանջին։

Ինձ թվում է՝ Մարինա Խաչատրյանի մոտ էլի լար ա կտրվելու։ Բայց չգիտեմ՝ որտեղինը»։