Փաստաբան Ալեքսանդր Կոչուբաևը ֆեյսբուքյան իր էջում գրել է. «Վերջնաժամկետ Երևանի քաղաքապետարանին

Հարգելի՛ Երևանի քաղաքապետարան, հայտնում եմ, որ Դալմայի այգիներում Դիսնեյ լենդի կառուցման թույլտվության դեմ ներկայացրել եմ վարչական բողոք նախորդ՝ ամսվա 29-ին։ Գործող իրավակարգավորումների իմաստով՝ վարչական բողոք բերելը կասեցնում է վարչական ակտի գործողությունը՝ տվյալ դեպքում շինթույլտվության։ Քաղաքապետարանի իրավաբանական ծառայության իրավասու պաշտոնատար անձը տվել է կասեցման ծանուցագիր, սակայն Մալաթիա-Սեբաստիա համայնքի թաղապետարանը դրսևորում է անգործություն և չի կասեցնում շինարարարական աշխատանքները։ Իմ ունեցած վերջին տեղեկություններով կասեցման ծանուցագիրը գտնվում է փոխթաղապետի տնօրինության տակ։ Նկատի ունենալով այն հանգամանքը, որ առերևույթ առկա է կարգադրիչ լիազորություններ ունեցող պաշտոնատար անձանց կողմից պաշտոնեական լիազորությունները խմբային շահերից ելնելով չարաշահման հանցափաստեր, մինչև 15։00-ն տալիս ենք ժամանակ շինարարությունը կասեցնելու համար, հակառակ պարագայում ձեռք բերված ամբողջ տեղեկատվությունը կփոխանցվի դատախազությանը։ Նշված ժամանակը հարկավոր է նաև պարզելու համար Երևանի քաղաքապետ Հայկ Մարությանի հնարավոր մասնակությունը համար»: