Հարգելի և շատ սիրելի Սերժ Թանկյան,
Տեղյա՞կ եք, որ նախարարին 8 ամսում 30.000 դոլար պարգևավճար տալու համար պողոսների վարչապետը բոմժացնում է ժողովրդին:

Օրեր առաջ սրճարանում, որտեղ տարիներ շարունակ լինում եմ, մատուցողը պատմեց, որ երբեմնի ութ մատուցողներից մնացել են չորսով: Պատմեց, որ աշխատավարձի չափը չի փոխվել, իսկ աշխատանքի ծավալը կրկնապատկվել է: Պատմեց, որ աշխատանքից ազատված չորս մատուցողներից երեքը մինչև հիմա էլ աշխատանք չեն գտնում, իսկ ինքը, թեև դժգոհ է, որ նույն աշխատավարձով կրկնակի ավել աշխատանք է կատարում, բայց այլընտրանք չի գտնում: Փնտրում է, բայց չի գտնում: Քանի որ հին հաճախորդ եմ ու տարիների ընթացքում լավ հարաբերություններ են ձևավորվել, զրուցեցի նաև սրճարանի սեփականատիրոջ հետ:

Փաստացի, ի՞նչ է տեղի ունեցել . պողոսների վարչապետը հարկային տեռորով ստիպել է, որ սրճարանի սեփականատերը ՀԴՄ տրամադրի ու գրանցի բոլոր աշխատողներին: Սեփականատերն էլ ենթարկվել է: Ստացվել է այնպես, որ առկա հարկային ռեժիմով սրճարանի սեփականատերը չի կարողնում բոլոր ՀԴՄ-երը տալով ու բոլորին գրանցելով՝ եկամուտներ ստանալ ու միաժամանակ ութ մատուցողի համար աշխատատեղ պահել: ՀԴՄ տրամադրելով ու բոլորին գրանցելով՝ սրճարանի սեփականատերը բիզնեսը պահելու համար ստիպված կրճատել է աշխատակիցներին, իսկ կրճատվածների աշխատանքային ողջ ծավալը դրել է չկրճատվածների ուսերին՝ անփոփոխ թողնելով նրանց աշխատավարձերի չափը:

Այսինքն՝ նախկինում ՀԴՄ մի մասը տալով, մի մասը չտալով, աշխատողների կեսին գրանցելով, կեսին չգրանցելով՝ մարդը աշխատատեղ էր ստեղծում 8 հոգու համար: 8 ՀՀ քաղաքացի գումար էին վաստակում՝ տանելի աշխատանքային պայմաններում: Պողոսների վարչապետի հարկային տեռորի շնորհիվ հիմա այդ բիզնեսում 4 աշխատատեղ կրճատվել է, չկրճատված չորսն էլ անտանելի ծանրաբեռնվածությամբ են աշխատում՝ չփոփոխված աշխատավարձով:

Այսինքն՝ պողոսների վարչապետը հարկային տեռորով եկամուտների վերաբաշխում է կատարել: Պողոսների վարչապետը մտել է ժողովրդի գրպանը ու ժողովրդի շրջանում պտտվող գումարները ֆիսկալ տեռորով քաշում-տանում է պետական բյուջե, որ «հեղափոխական» նախարարին գողեգող՝ կառավարության գաղտնի որոշումով, աշխատավարձի երեքապատիկի չափով ամսեկան հավելավճար տա(1.500.000 դրամ), իսկ 8 ամսվա աշխատանքի համար՝ 30.000 դոլար պարգևավճար: Սա այն ամենն է, ինչ պետք է իմանանալ Ատելության կուսակցության ու նրա պարագլխի «տնտեսական հեղափոխության» մասին: Ու սա դեռ սկիզբն է, մինչև ժողովրդին մինչև վերջ չբոմժացնեն ու պետական բյուջեից պարգևավճարի անվան տակ գանձագողության ճանապարհով ժողովրդի փողերն իրենց տուն չտանեն, չեն հանգստանալու: