Բարգավաճ Հայաստան խմբակցության պատգամավոր Նաիրա Զոհրաբյանը Եռաբլուրում կատարվածի մասին իր ֆեյսբուքյան էջում գրել է.
«Անասունների ագարակը
Ինչ-որ մուտանտ դեգեներատներ պղծել են ապրիլյանի տղաների շիրմաքարերը։
Հիմա ես ընդամենը մեկ հարց ունեմ, որի պատասխանը գիտեմ։ Ինչո՞ւ այսօր հնարավոր եղավ նման ոճրագործություն։
Պատասխանը հստակ է. որովհետև հեշտ ու հանգիստ մենք կյանքի կոչեցինք Օրվելի «Անասունների ագարակը», երբ ամեն րոպե թքում ու իրենց թրքոտ ոտքերը մաքրում են այն արժեքների վրա, որոնք դարերով, որպես ազգ, մեր տեսակն են պահել։
Երբ մտավորականների ու մտածող մարդկանց մի ստվար հատվածի շատ արագ դարձրեցին ապազգային իդիոտ։ Նայե՛ք դրանց դեմքերին ու կտեսնեք էվոլյուցիայի ակնհայտ խախտումը։
Ես տեսել եմ թուրքի կողմից պղծված ապրիլյանի տղաների դիակները։ Բայց այն, ինչ արեցին մեր միջի «թուրքերը», Ալիևի լամուկներից ավելի մեծ ոճիր է։
Ու հիմա ինձ համար արդեն էական էլ չէ, թե զարհուրելի այդ վանդալիզմն արած քանի անբարոյականի լակոտ կբռնեն։
Մենք հատել ենք բարոյականության կարմիր գիծը։ Իսկ սա արդեն համազգային աղետ է»:
