«Վանոյի հետ և առանց Վանոյի» գրքի հեղինակ, լրագրող, հրապարակախոս Վասակ Դարբինյանի ֆեյսբուքյան գրառումը. «2000 թվականի ապրիլի սկզբին Վանո Սիրադեղյանը հեռացավ Հայաստանից և առ այսօր տարագրության մեջ է:
«Վանոյի հետ և առանց Վանոյի» գրքում ՀԳՄ նախագահ, բանաստեղծ Էդվարդ Միլիտոնյանն ասում է.
«Վտարանդի էս կյանքը մի օր պիտի ավարտվի, ու պիտի շարունակվի զուլալ, բնականոն կյանքը, որ մի գարնանային լուսաբացի մնացել է կիսատ, լի դառնությամբ, ճակատագրին ընդառաջ գնալու պատրաստակամությամբ, ճիշտ այնպես, ինչպես քսանամյա պատանին էր գնացել բանակում ծառայելու, հաղթահարելու արգելքները, դժվարությունները, նվաճելու դիրք և հեղինակություն, մոլորվելու և ամեն օր վերագտնելու միակ քայլը:
Ինձ համար շատ բան պարզ է, բայց կուզեի, որ վերջնական պարզ լինի նաև հասարակությանը»»:
