ՀՀ նախագահի, ՀՀ ԱԺ նախագահի և ՀՀ վարչապետի «կեցության, սննդի, տրանսպորտային աջակցության և արարողակարգային միջոցառումների համար պատվիրվող ապրանքները, աշխատանքներն ու ծառայություններն» այսուհետ լինելու են խիստ գաղտնի, եթե իհարկե կառավարության օրենսդրական նախաձեռնությունը կյանքի կոչվի (ՀԺ): Թերթի կարծիքով այս գաղտնիացումը «հետապնդման մանիայի» դրսևորում է, իսկ իմ կարծիքով իբրև թե թափանցիկ աշխատաոճ «որդեգրած» կառավարության ոչ թափանցիկ լինելու հավաստումը՝ հատկապես սեպտեմբերի 3-ից հետո, երբ արևմտյան վեկտորը փոխարինվեց հյուսիսայինով: Որպես արդյունք այսուհետ չենք իմանա, թե այդ երեք կառույցների համար որքան արժե, օրինակ, խանութում 120 դրամով վաճառվող զուգարանի թուղթը:
