«Բարգավաճ Հայաստան» խմբակցության պատգամավոր Նաիրա Զոհրաբյանն իր ֆեյսբուքյան էջում գրել է.

«արսեն թորոսյանը երեկ շշմելու բացահայտում արեց. պարզվում է՝ Նիկոլն իմ հոգեւոր հայրն է։
Հանրային հայհոյանքի հանդեպ կայուն իմունոհամակարգ ունեցող այս սելեկցիոն տեսակը պնդում է, որ Շուշին հանձնել են իմ հոգեւոր հայրերը։

Շուշին հանձնել է Նիկոլն ու երդվում եմ՝ Նիկոլն իմ հոգեւոր հայրը չի։ Ավելին՝ անգամ հոգեւոր քեռիս չէ։
Իսկ իշխանության ողջ հրետանու առաջնագիծ բերելը՝ ուսապարկերով, ֆեյքերով ու մնացած մասովկայով, ինձ հուշում են, որ ինչ-որ շատ ավելի լուրջ բան է կատարվում եւ էս «քոփի փեստով» բաժանված տեքստերով ընդամենը թիրախներն են փորձում շեղել։

Չստացվեց։ Պոլնի պրավալ։ Ավելին՝ երեկ մի յուրօրինակ exit poll տեղի ունեցավ, երբ արսենթորոյսանների, արայիկհարությունյանների եւ մնացյալ ուսապարկերի գրառումների տակ հազարավոր մեր հայրենակիցներ հայհոյանքով քվեարկեցին ընդդեմ սրանց ստի եւ հիմարության։

Քվերակությունն այնքան բուռն, այնքան սպառիչ ու կլասիկ էր, որ ինձ ավելացնելու բան չի մնում։
Հուսամ հասկացաք, որ ստերով, «հաղԴելու ենք» հեշթեգերով ու ֆեյքերի կոյուղով անգամ այլեւս պարտված եք։

ԱԱԾ-ին ասեք էլ իզուր ամիսը մեկ սոցհարցում չանի։
Մտեք արսենթորոյսանների, արայիկհարությունյանների եւ նրանց հավասարեցված մնացած ուսապարկերի էջ ու ծանոթացեք ձեր իրական վարկանիշին։
Նավսյակի փոփքորն ու կոլա վերցրեք՝ շատ երկար եք ծանոթանալու իրական մարդանց իրական կարծիքներին»։