Քաղաքագետ Միհրան Հակոբյանը Ֆեյսբուքի իր էջում գրում է.
«Կարելի՞ էր չէ մի քիչ տարբերվել Ադրբեջանից.
Սա «նոր» Հայաստանն է, որտեղ պատիվ ու նամուս չկա, թասիբ, արժանապատվություն հասկացությունները հարգի չեն: Երբեք այսպես չի եղել, երբեք: Դեռ ոչ մեկը երկիրն այսպիսի բարոյահոգեբանական խոզանոցի չէր վերածել: Փաստացի, հայերի պետության մեջ կոմֆորտ զոնայում ապրելու իրավունք ունեն Նիկոլ Փաշինյանն ու իր ընտանիքը, և տրասֆեստիտ կարաբինաները: Մնացածը՝ ըստ Նիկոլի ընտանիքապետության տրամաբանության՝ ասֆալտին փռվելու, տուգանվելու և ստորացվելու առարկա են:
«Նոր» Հայաստանում դպրոցի տնօրեն Աշոտ Բլեյանը երևի վերջին հանցագործն էր, որին պետք էր դպրոցի տարածքից ձերբակալեին ու քաղմաս տանեին: Կառավարության դիմացից անցորդ աղջիկներին ձեռնաշղթա հագցնելն ու քաղմաս տանելը «նոր» Հայաստանում իրերի շատ բնականոն դասավորվածություն է:
Նույն օրը «նոր» Հայաստանի վարչապետի տիկինը կամուֆլյաժը հագին սահմանամերձ գյուղերում ֆոտոսեսիաներ է անում, իսկ զինվորին ստիպում են, որ ոչ մի պաշտոն, կրկնում եմ՝ ոչ մի պաշտոն չունեցող վարչապետի տիկնոջը պատվի առնի:
Ալիևենք ավելի ազնիվ են. ի տարբերություն սրանց՝ Մեհրիբանին պաշտոն են տվել ու մայմունություն չեն անում, թե բացի իրենցից ինչ-որ մեկը կարող է իրեն այդ երկրում մարդ զգալ: Ու թող ոչ մեկ այլև չհամարձակվի խոսել լեգիտիմությունից. Նիկոլ Փաշինյանին երկիրը խոզանոցի վերածելու մանդատ ոչ մեկը չէր տվել»:
