ԱԺ նախկին փոխնախագահ Արփինե Հովհաննիսյանը ֆեյսբուքյան իր էջոեւմ գրել է.
«Փաստեր անցումային արդարադատության վերաբերյալ
Մաս 2
Ինչպես արդեն պարզ է մի շարք պաշտոնյաների հայտարարություններից Հայաստանում վեթինգի իրականացման ոգեշնչման հիմնական աղբյուրը ալբանական փորձն է։ Այս առումով հետաքրքիր փաստ.
Ալբանիայում վեթինգի մասին քննարկումները սկսվել են Ալբանիայի վերաբերյալ Եվրոպական հանձնաժողովի` 2014 թվականի զեկույցի հրապարակումից հետո, որում նշվում էին դատական համակարգի խորքային խնդիրները։
Ըստ այդմ՝ վեթինգը այն անկյունաքարերից է, որը դրված է Ալբանիայի ԵՄ-ին անդամակցելու բանակցություններ սկսելու հիմքում։ Սա նշված է նաեւ մի շարք միջազգային փաստաթղթերում։
Այլ կերպ սա այն գինն է, որ Ալբանիան վճարելու է ԵՄ-ին միանալու համար։
Հարց
Հետաքրքիր է՝ ի՞նչ են խոստացել ԵՄ պաշտոնյաները Հայաստանում վեթինգ իրականացնելու համար կամ խոստացե՞լ են արդյոք։
Հարցը հատկապես արդիական է՝ հաշվի առնելով Պյոտր Սվիտալսկիի դատարանների շրջափակման կապակցությամբ հրապարակային արտահայտած անձնական դիրքորոշումը, որը տարբերվում է բոլոր միջազգային կառույցների և նույնիսկ ԵՄ դեսպանների համատեղ հայտարարությունից։ Միգուցե սա՞ է այն հարցը, որ եղել է վարչապետի մամուլի խոսնակի և պարոն Սվիտալսկիի քննարկման առարկան դատարանների մուտքերն արգելափակելու նախորդող երեկոյան։
Կարծում եմ՝ անչափ կարևոր է հասկանալ, թե ում նախաձեռնությամբ է հանդիպումը տեղի ունեցել, և ինչ է քննարկվել։ Ի վերջո վարչապետի խոսնակը և ԵՄ դեսպանը մտերիմ ընկերներ չեն և նրանց քննարկումները չէին կարող շրջանցել վարչապետի կոչը և դրան հաջորդող իրադարձությունները երկրում»։
