Այս օրերին Ադրբեջանի նկատմամբ իրենց վերաբերմունքն այս ձևակերպմամբ են արտահայտում Իրանի մտավորականության հատվածը, որը զգուշավորությամբ է մոտենում Բաքվի՝ Թեհրանի հետ իր հարաբերությունները խորացնելու մասին հայտարարություններին:
Օրերս Ադրբեջանի վերաբերյալ քննարկում է տեղի ունեցել, որի ընթացքում Իրանի «Ազադ» համալսարանի քաղաքական-իսլամական կառույցները համակարգող խորհրդի նախագահն իր մտահոգությունն է հայտնել Ադրբեջանի երկակի քաղաքականության վերաբերյալ և Ադրբեջանին փոքր Իսրայել անվանել, իսկ նրա ղեկավար Իլհամ Ալիևին՝ «Բրիթիշ Փեթրոլիումի» աշխատակից, որն ամեն ամիս աշխատավարձ է ստանում այդ կազմակերպությունից:
