Վերջին ժամանակաշրջանում Բաքվի բռնապետի վարչակարգը տարբեր լրատվական հարթակներում իսկական քարոզչական գրոհ էր սկսել Ռուսաստանի Դաշնությունում թալիշական սփյուռքի ղեկավար Իսմայիլ Շաբանովի դեմ՝ օգտագործելով ձեռքի տակ եղած հնարավոր գրեթե բոլոր միջոցները և փորձելով հեղինակազրկել վերջինիս, քանի որ թալիշ առաջնորդը հանդես է գալիս Ադրբեջանի անխնա քննադատության և սեփական ժողովրդի իրավունքների պաշտպանության դիրքերից:
Չբավարարվելով, լրատվական հարձակումներով, ըստ հենց թալիշ քաղաքական գործչի տարածած տեղեկատվության՝ մի խումբ անհայտ անձինք երեկ գիշեր մուտք են գործել Ի. Շաբանովի՝ Լենքորանում գտնվող պապենական տուն և ահաբեկման ենթարկել վերջինիս տարեց հորը:

 


Դեպքից հետո ֆեյսբուքյան իր էջում այս հաշվերահարդարը թալիշ ղեկավարը գնահատել է Բաքվի բռնապետի վարչակարգի կողմից «որպես թալիշ ժողովրդի ներկայացուցչի իր և իր ընտանիքի դեմ սանձազերծված պատերազմ»՝ լկտի մարտահրավեր, որն, ի դեպ, «իրենք ընդունում են»:
Ակնհայտ է, որ, այսպես կոչված, Ադրբեջանական Հանրապետության ներսում սոցիալ-տնտեսական լարման պայմաններում Բաքվի բռնապետական վարչակարգն վտանգավոր իրավիճակը կեղծ գործիքակազմով կառավարելու նպատակով ստիպված է հայերիս՝ որպես արտաքին թշնամու, արդեն ավանդական դարձած կարծրատիպի շահարկմանը գումարել նաև ներքին թշնամու կերպարը՝ ի դեմս տեղաբնիկ թալիշ ժողովրդի և նրա առաջնորդների:

 

 

Վարդան Ոսկանյան