Ուսումնասիրելով Ազգային վիճակագրության ծառայության կողմից ՓՄՁ-ների քանակի մասին հրապարակված վերջին տարիների ցուցանիշները, կարող ենք եզրակացնել, որ դրանց թիվը մեր երկրում ավելացել է:
ՓՄՁ-ների փակումը նորմալ երևույթ է, որը առկա է բազմաթիվ երկներում, և ունի իր օբյեկտիվ պատճառները: Ներկայացնենք վերջին երեք տարվա ցուցանիշները:
2013թվ. Հայաստանում բացվել է 15,501 և փակվել 11,167 ՓՄՁ: Դրական տարբերությունը կազմում է 4334:

Մեկ տարի անց՝ 2014 թվ. դրական հարաբերակցությունը ավելացավ: Մասնավորապես, այդ տարում բացվեց 16,967 և լուծարվեց 9454 ՓՄՁ: Այս հարաբերակցությունում ավելացած ՓՄՁ-ների թիվը 7513- էր:
Այս տարվա առաջին ինը ամիսներին մեր երկրում բացվեց 13,131 և փակվեց 7639 ՓՄՁ; Տարին դեռ չի ավարտվել, բայց փաստը մնում է փաստ, որ այն նույնպես կունենա դրական տարբերություն, որը այս պահի դրությամբ կազմում է 5492 ՓՄՁ:
Ընդանուր առմամբ վերջին հինգ տարիների հարաբերակցությամբ, ՓՄՁ-ները ավելացել են 24,636-ով:

Տիգրանուհի Դավթյան