Ճիշտ է, այս տարի ՀՀ-ում եղանակային պայմանները հիմնականում բարենպաստ էին, սակայն որոշ մարզերում այնուամենայնիվ եղան կակտահարության դեպքեր: Տուժած տնտեսություններին օգնելու համար օրերս գործադիրի որոշմամբ կառավարության պահուստային ֆոնդից ավելի քան 97 մլն դրամ կհատկացվի Արմավիրի մարզպետարանին՝ օգոստոսի 22-ի և հոկտեմբերի 4-ի կարկտահարության հետևանքով մարզի համայնքների հողի հարկ վճարող, ոռոգման ջուր օգտագործող, ինչպես նաև ջերմատնային տնտեսությունների սեփականատեր հանդիսացող ֆիզիկական և իրավաբանական անձանց պետական աջակցություն ցուցաբերելու նպատակով:
Տեղացած ուժեղ կարկտահարությունից տուժել են մարզի Քարակերտ, Մյասնիկյան, Կողբավան, Բաղրամյան, Բագարան, Շենիկ, Դալարիկ, Մրգաշատ, Մարգարա, Վարդանաշեն, Երասխահուն և Ակնաշեն համայնքներում գործող գյուղացիական տնտեսությունները:

Հուսանք, որ հատկացված գումարները կծառայեն իրենց նպատակին և կմեղմեն գյուղացիների կրած վնասները:

Մարինա Ներսեսյան