Հայկական բեյսբոլի թիմը' 1908 թվականին... Սեբաստիայի վիլայեթի մեջ մտնող Ամասիայի սանջակի Մարսովանի (Մարզիֆոն) «Անատոլիա» ամերիկյան քոլեջը 19-րդ դարավերջին եւ 20-րդ դարասկզբին համարվում էր ամերիկյան ամենամեծ ուսումնական հաստություններից մեկը Օսմանյան Թուրքիայում, որտեղ սովորում էին հայ եւ հույն երեխաներ ու պատանիներ:
Ուսումնական դասընթացներից բացի, այստեղ մեծ ուշադրություն էր դարձվում սպորտին' քոլեջում առկա էին մարզասրահ եւ մարզահրապարակ: Հայ եւ հույն աշակերտներն ունեին իրենց առանձին թիմերը, ինչպես նաեւ մարզահագուստն ու ակումբի լոգոն, եւ մշտական մրցումների մեջ էին իրար հետ: Հայկական թիմերի միությունը կրում էր «AAAA» (Anatolia Armenian Athletic Association) հապավումը: Ներկայացվող 1908 թ. նկարներով բացիկում պատկերված է նաև «Անատոլիա» քոլեջի բեյսբոլի թիմը' հայկական առաջինը մեր տարածաշրջանում:
Ռուբեն Շուխյան
