Նախագահի թեկնածու Անդրեաս Ղուկասյանը բաց նամակ է հղել նախագահական ընտրություններին մասնակից 6 թեկնածուներին՝ կոչ անելով «միասնաբար դուրս գալ ՀՀԿ-ի կողմից նախագծված ու կանխորոշված ընտրությունների պայքարից» և գործող նախագահին ընտրապայքարում մենակ թողել: Նմանաբովանդակ բաց նամակներ Ա. Ղուկասյանը նաև կարող էր տարածել առանց նախագահի թեկնածու առաջադրվելու և անհասկանալի է, թե ի՞նչ խնդիր է վերջնահաշվարկում փորձում լուծել վերոնշյալ թեկնածուն. շոու, որը նրա ենթադրմամբ իրեն ճանաչելիություն կբերի, թե «նախաձեռնողական» դիտվելու հնարավորություն: Մեկ այլ կարևոր հանգամանք ևս. ո՞ւմ է առհասարակ ձեռնտու նախագահի հավակնություններ ունեցողների կողմից նման շոուների հրահրումը: