ԲՀԿ-ՀԱԿ հարաբերությունները գնալով ավելի են աբսուրդի թատրոն հիշեցնում։ Հասել է նրան, որ ԲՀԿ-ն արդեն չի էլ ձգտում թաքցնել, որ ՀԱԿ-ի հետ հարաբերություններում գործում է վերադաս-ստորադաս ֆորմատը ու թեև նոմինալ փորձ է արվում դա մատուցել, որպես համագործակցություն, բայց դա միայն նոմինալ։
Օրինակ՝ Արամ Մանուկյանի հայտնի հայտարարությունից հետո բվականին շատ խոսակցություններ եղան, որ ԲՀԿ-ում խիստ զայրացել են ՀԱԿ-ականների նման վարքից ու որպես պատիժ, մեկուսացրել են մասնավորապես հենց Մանուկյանին՝ Եռյակի առաջիկա հանրահավաքների մասնակցությունից։
Հիմա զավեշտը. ԲՀԿ-ական Ստեփան Մարգարյանը փորձել է իբր հերքել այս լուրը, բայց վայ էդ հերքելուն, որովհետև այդ հերքումը ավելի նման էր հաստատման, ինչը շառաչուն քաղաքական ապտակ է անձամբ Արամ Մանուկյանի ու ՀԱԿ-ի համար առհասարակ։
Ահա թե ինչ է ասել Մարգարյանը. «ԲՀԿ-ից եղել են կարծիքներ... Ճիշտն ասած այնքան էլ հաճելի բան չասաց նա։ Ես չեմ կարծում, որ Արամը... ուղղակի ստացվեց այդպես։ Ինքն այդպիսին չէ որպես անձնավորություն։ Բայց ԲՀԿ-ն չի քննադատել, որ Արամն էլ չգա հանդիպումներին»։
Թարգմանում եմ. ԲՀԿ-ի համար շատ տհաճ բան է եղել, ինչի համար ԲՀԿ-ն նալել ա Մանուկյանին, Մանուկյանն էլ ասել ա «միամիտ ստացվեց»։ Մանուկյանին ասել են դե նայի, էլ տենց բաներ չստացվի ու որ հաստատ իմանանք, որ էլ չի ստացվելու՝ քեզ էլ հանրահավաքների չեք տանի, համենան դեպս առաջիկա մի քանի հանրահավաքներին։
Անդրանիկ Իսահակյան
