Չինաստանի առաջնորդ Մաո Ցզեդունը (1893-1976) երբեք չէր մաքրում ատամները։ Իսկ երբ նրան ասում էին, որ դա հակահիգիենիկ է, պատասխանում էր. «Բայց դուք երբևէ տեսե՞լ եք, որ վագրը ատամները մաքրի»։
Մեծ Բրիտանիայի վարչապետ Ուինստոն Չերչիլը (1874-1965) ուներ զինվորիկների մեծ հավաքածու։ Հայտնի է, որ նրա տանը դրանցից կազմված մի քանի բանակ կար, որոնցով Չերչիլը հաճույքով խաղում էր։
Ռուս կայսր Ալեքսանդր Երրորդը (1845-1894) գինովցած պառկում էր հատակին ու բռնում կողքով անցնողների ոտքերից։ Պահակազորի պետ և իր բաժակակից Չերևինի հետ նա ստեղծել էր ճտքակոշիկի հատուկ ծալքեր, որոնցում տեղավորվում էր խմիչքի 700-գրամանոց տափաշիշը: Կայսրուհին միշտ զարմանում էր, թե ինչպես է հարբում ամուսինը. չէ՞ որ նա հանգիստ թուղթ է խաղում, և սեղանին խմիչք չկա: Կայսրը մահացավ հարբեցողությունից առաջացած երիկամային հիվանդությունից:
Սանասար Կարապետյան
