Ֆուտբոլի աշխարհի առաջնությունում մնացել է երկու հանդիպում, որոնք կորոշեն չեմպիոնին ու մյուս մրցանակակիրներին:

Անցկացված 62 հանդիպումներում խփվել է 167 գնդակ, մեկ խաղում միջինը՝ 2, 69 գնդակ:

Ռմբարկուների ցուցակի առաջատարը Կոլումբիայի հավաքականի կիսապաշտպան Խամես Ռոդրիգեսն է՝ վեց գնդակով:

Կոլումբացին այլևս չի կարող ավելացնել իր գոլերի քանակը, քանի որ նրա հավաքականը դուրս է մնացել պայքարից:

Ընդամենը մեկ գնդակ պակաս է խփել Թոմաս Մյուլլերը, ով վաղը Գերմանիայի հավաքականի կազմում փորձելու է չեմպիոն դառնալ՝ Արգենտինայի ընտրանու հետ խաղում:

Իր անհատական ցուցանիշը բարելավելու հնարավորություն ունի նաև Արգենտինայի հավաքականի ավագ Լիոննել Մեսսին. նրա ակտիվում առայժմ չորս գոլ է:

Նույնքան գնդակ է խփել նաև բրազիլացի Նեյմարը, ով, սակայն, վնասվածքի պատճառով այլևս չի մասնակցում առաջնությանը:

Սուրեն Սուրենյանց