Եթե Հայաստանը լիներ նորմալ պետություն, ապա ՀՀ հանրային ծառայությունները կարգավորող հանձնաժողով կոչված պետական կառույցը պետք է ոչ թե բնակիչների հաշվին փակել տա 20 մլրդ դրամի այն ճեղքվածքը, որ իր կարծիքով առաջանալու է էլեկտրաէներգետիկական համակարգի ընկերությունների մոտ 2014-2015թթ., այլ դնի ոչ արդյունավետ մենեջմենթ ցուցաբերած ընկերություններին գործունեության իրավունքից (լիցենզիայից) զրկելու խնդիրը: Եթե իհարկե հանձնաժողովի հաշվարկները համապատասխանում են իրականությանը: Բայց քանի որ Հայաստանը ոչ միայն նորմալ պետություն չէ, այլև Ռուսաստանի գաղութն է, իսկ հիշատակված ընկերություններն էլ հիմնականում ռուսական են, ապա պետք է արվեր այն, ինչ արվում է: Եվ հայաստանյան ամեն մի ընտանիք ստիպված է անընդհատ ավելացնելու իր ծախսերը հիմնականում ռուսական ընկերությունների ոչ արդյունավետ գործունեության պատճառով:

Վախթանգ Սիրադեղյան