Շուկայի շուրջ ստեղծված ամենաթողության մթնոլորտը շատերը հենց Սամվել Ալեքսանյանի անձի հետ են կապում: Եթե նրա փոխարեն ուրիշ մեկը լիներ, դուք' որպես մշակույթի նախարար, աչք կփակեի՞ք դրա վրա:
Ուրիշը մեկը ո՞վ է: Գիտեք ինչ կա, պետությունը աչքը չի փակում: Եկեք հասկանանք մի բան' ամեն մարմին զբաղվում է իր լիազորությունների շրջանակներում: Հիմա ես չեմ կարող կանխատեսել բոլոր այն հնարավոր զարգացումները, եթե մարդիկ անտեսում են ասենք թե իրավիճակը, օրենքը' գիտակից, անգիտակից, չեմ կարող որևէ բան ասել: Չեմ հասկանում, այսօր ինչի՞ մասին ենք խոսում, այսինքն' մենք խոսում ենք բոլոր մարմինների պատասխանատվության մասի՞ն: Կարծեմ թե ահազանգերը եղել էին, կանգնեցնել, դադարեցնել, տուգանել, այդ բոլոր գործընթացները կատարվել են: Այս պահին չեմ կարող ձեզ բան ասել, որովհետև բառացիորեն երկու օր առաջ ենք նախագիծը ստացել, և պետք է ծանոթանանք նախագծին, որից հետո եզրակացությունը կհրապարակենք:
