Նամակ ռուսաց թագավորին. «Հարգարժան Վլադիմիր Վլադիմիրի, դիմում եմ Ձեզ խնդրանքով, որպեսզի տիրություն անեք ինձ: Քանի որ մեր երկի ազգընտիր նախագահ պարոն Սերժ Սարգսյանը Ձեր աննկուն ջանքերի շնորհիվ խաչ քաշեց մեր երկրի եվրաինտեգրման հեռանկարի վրա, ինչով էլ դեռ չծնված արդեն մահացավ մեր վարչապետ Տիգրան Սարգսյանի՝ Հայաստանի Հանրապետությունը ֆինանսական, կրթական և այլ տիպի միջազգային կենտրոններ դարձնելու տեսլականը (պարզ է թե ինչու՝ Արևմուտքն արդեն չի վստահում մեզ), ինչը կապահովեր ոչ միայն մեր երկրի, այլև անձամբ իմ բարգավաճումը, ապա խնդրում եմ, որպեսզի անտեր չթողնեք Ձեր խոնարհ ծառային և մի երկու ռուսական կոպեկ թուլափայ հատկացրեք ինձ»: Հետգրություն. կարծում եմ, որ նման նամակ պետք է պատրաստվի իշխանական միջանցքներում, բազմացվի հնարավորինս մեծ քանակով՝ համենայն դեպս ոչ պակաս, քան մեր հայրենիքի՝ մաքսային միության անդամագրվելու կողմնակիցներն են, և շտապ առաքվի հյուսիս:
