Արցախի օկուպացված շրջանները արժանանալու են Նախիջևանի ճակատագրին, եթե չկանգնեցնենք։ Այս մասին ֆեյսբուքյան իր էջում գրել է ադրբեջանագետ Անժելա Էլիբեգովան։

«Արցախի օկուպացված շրջանները արժանանալու են Նախիջևանի ճակատագրին, եթե չկանգնեցնենք։ Լոմերով ու բոլգառկաներով մաքրվելու ա մեր հետքը էդտեղից։ Սրբագրվելու ա պատմությունը, ձեզ էլ համոզելու են, որ դուք կապ չունեք ձեր պատմական տարածքների հետ։ Պատմա-մշակութային ցեղասպանություն ա լինելու։ Ինչը չկարողանան քանդել, ասելու են ալբանական ա, ուդիներինն ա։ Ինչը թաքուն կարելի ա քանդել, ավիրել, վերացնել՝ շատ արագ ոչնչացվելու ա։ Հետո գնացեք ՅՈՒՆԵՍԿՕ-ներում բողոքեք, Ջուղայի խաչքարները հիշացրեք, ապացուցեք․․․

Պատմությունը կրկնվելու հակում ունի, թշնամու ձեռագիրն էլ՝ չփոխվելու։ Ու եթե դուք հույս եք կապում, որ իրենք ձեր հետ խաղաղ համակեցություն են ուզում, ուրեմն դուք կամ հիմար եք, կամ դավաճան»,-գրել է Էլիբեգովան։