Ցանկանում էի խորհրդարանի պաշտոնական կայքում ծանոթանալ ուսապարկերի ընդունած՝ «Մարդկանց փակելու համար գրպանային դատավորներ նշանակելու մասին» օրենքի վերջնական տեքստին, բայց պարզվեց՝ դեռ մեկ շաբաթ առաջ ընդունված օրենքի տեքստը կայքում տեղադրված չէ։ Առկա է միայն առաջին ընթերցմամբ ընդունվածը։ Այս մասին ֆեյսբուքում գրել է իրավապաշտպան Ռուբեն Մելիքյանը:

«Սկզբից մտածեցի՝ դիտավորություն է, բայց հետո նկատեցի, որ նույն փնթի մոտեցումն առկա է շատ այլ օրինագծերի պարագայում։

Մյուս կողմից էլ, ամենևին էական չէ, թե փնթիության արդյունք է, թե չարամտության։ Դրեք կայքում՝ տեսնենք ի վերջո ի՛նչ տեսքով եք ընդունել այս անճոռնի նախագիծը։
ՀԳ. Հիմա «գնդակը» նախագահի դաշտում է։ Հազար ու մի հիմնավորում է ներկայացվել, որ օրինագիծը հակասում է Սահմանադրությանը։ Կդիմի՞ ՍԴ, թե սովորականի պես խելոք կստորագրի»։