ԵՊՀ իրանագիտության ամբիոնի վարիչ Վարդան Ոսկանյանը ֆեյսբուքյան իր էջում գրել է․ «Երբ ոչնչությունները շրջանառության մեջ էին մտցնում «նոր Հայաստան» արգահատելի ձևակերպումը, իսկ մթագնած բանականությամբ ամբոխը էքստատիկ հաճույքով մանտրայի նման կրկնում էր այն՝ փորձելով լռեցնել ցանկացած մեկին, որը կվիճարկի այդ բնորոշումը կամ գոնե կփորձի հասկանալ դրա սահմանումը, ոչ ոք չէր էլ պատկերացնում, որ հինավուրց Հայաստանի Շուռնուխի գրադարանը «նոր Հայաստանի» ամոթալի ժամանակներում կդառնա «Ենի (ադրբ․՝ «նոր») Ազարբայջանի» ոտքի կոխան, և որ մեր ճանապարհներին «Ազատ Արցախը ողջունում է ձեզ» ցուցանակի փոխարեն կտեսնենք «Բարի գալուստ Ադրբեջան»»։