Իրանում կորոնավիրուսային վարակի դեպքերի թիվը հասել է 55,743-ի, որից 3,452-ը' մահվան ելքով: Այս մասին հայտարարել է Իրանի Առողջապահության նախարարության պաշտոնական ներկայացուցիչ Քիանուշ Ջահանպուրը:
«Անցած մեկ օրվա ընթացքում մենք հայտնաբերել ենք ամբողջ երկրում կորոնավիրուսային վարակի 2560 նոր դեպք: Այս տվյալների հիման վրա վարակվածների ընդհանուր թիվը հասել է 55743-ի», - ասել է նա IRINN- ի եթերում:
Ըստ նրա,19736 հիվանդները ապաքինվել են: «Ցավոք, վերջին 24 ժամվա ընթացքում մահացել է 158 մարդ: Զոհերի թիվը աճել է մինչև 3452», - ավելացրել է Ջահանպուրը: Այս պահին Իրանում մեկ օրում կորոնավիրուսով վարակվածների թիվը ռեկորդային է՝ 3186:
