Դատական փորձագետ Արտակ Գալստյանը ֆեյսբուքյան իր էջում գրել է. «ՀՀԿ մամուլի խոսնակ, դեռևս ազատության մեջ գտնվող Էդուարդ Շարմազանովը հայտարարել է, որ գալու է ժամանակը և այսօր իրենց դեմ պայքարողները դատվելու են:
Նախկին ԱՆ Նախարար, դեռևս ազատության մեջ գտնվող Արփինե Հովհանիսյանն էլ հայտարարել է, որ եթե Աննա Դանիբեկյանի միջադեպով քրեական գործ հարուցվի, ապա կօգտագործի իր ռեսուրսները հարցը միջազգայնացնելու նպատակով, և կրկին շեշտել է, որ բոլորը դատվելու են:
Հիմա հերթով, ինչպես սիրում է գրել դեռևս ազատության մեջ գտնվող Արփինե Հովհանիսյանը:
Իրավակիրառ պրակտիկան արգելում է անձին նույն արարքի համար կրկնակի դատապարտելը:
Այստեղից կարելի է ենթադրել, որ եթե անձը դատապարտվել է անմեղ, ապա ինքը ողջամտորեն կարող է կատարել նույն արարքը, նույն անձանց նկատմամբ և չդատվել, քանի որ նախորդ դեպքում դատապարտվել է անմեղ:
Հայ ժողովուրդը և նրա զավակները օկուպացիոն ռեժիմի ընթացքում դարապարտված էին անմեղ և դա հաստատված է ապրիլյան հեղափոխության արդյունքներով:
Այստեղից ՀՀԿ մամուլի խոսնակ, դեռևս ազատության մեջ գտնվող Էդուարդ Շարմազանով, ժողովուրդը քո և քո նմանների նկատմամբ ինչ էլ անի, չի կարող դատապարտվել, քանի որ այդ նույն երևակայական հանցանքի համար դատապարտվել է և ճանաչվել անմեղ:
Երբ մի ողջ ժողովուրդ ապօրինի և ապառիկով դատապարտում էիք, պետք է գիտակցեիք, որ անմեղ դատապարտվածը իրավունք ունի նույն արարքը կատարել, քանի որ դրա դիմաց արդեն անմեղ նստել է:
Նախկին ԱՆ Նախարար, դեռևս ազատության մեջ գտնվող Արփինե Հովհանիսյանի մասով:
Վերջինս հակասում է իր հայտարարությամբ ինքը իրեն և իր կուսակցությանը:
Նրանք հայտարարում են, որ Փաշինյանի կառավարումը մեկուսացրել է երկիրը և այն տարել լիակատար փլուզման:
Բայց միևնույն ժամանակ նախկին ԱՆ Նախարար, դեռևս ազատության մեջ գտնվող Արփինե Հովհանիսյաննը հայտարարում է, որ կօգտագործի իր ռեսուրսները, կմիջազգայնացնի Աննա Դանիբեկյանի միջադեպը:
Հանրահայտ փաստ է, որ մինչև հեղափոխությունը նախկին ԱՆ Նախարար, դեռևս ազատության մեջ գտնվող Արփինե Հովհանիսյանի ողջ ռեսուրսը տեղաբաշխված էր Մխչյան գյուղում:
Փաստացի ստացվում է, որ Փաշինյանի 1,5 տարի կառավարման ընթացքում Հայաստանը ոչ թե մեկուսացվել է, այլ այն աստիճան է ինտեգրվել միջազգային հանրության մեջ, որ Արարատի մարզի Մխչյան գյուղը, իր ռեսուրսներով, դարձել է լրջագույն միջազգային գործոն:
Ինչ վերաբերվում է Աննա Դանիբեկյանի միջադեպին և նրան հետապնդող անձանց քաղբանտարկյալ համարելուն, ապա նախկին ԱՆ Նախարար, դեռևս ազատության մեջ գտնվող Արփինե Հովհանիսյանին կխնդրեի պատասխանել՝
Եթե վաղվանից սկսած, ամեն օր, Ձեզ գիշերային ժամերին փողոցում մոտենան, կամ ամեն օր այցելեն Ձեր տուն, մի քանի անձիք և անընդհատ հարցնեն՝ դուք սպանե՞լ եք Հաց բերողին թե՞՝ ոչ, իրեն այցելածների գործողությունները, որպես քաղաքական կգնահատե՞ք թե՞՝ ոչ:
Կարծում եմ, լավ կլինի որ Ձեզ երբեք այդ հարցը չտան, Դուք էլ երբեք այդ ապրումները չունենաք:
Այնպես, որ այդ հարցը, թող անպատասխան մնա:
Մի բանում եմ երկուսիդ հետ համաձայն, բոլոր հանցագործները պետք է պատասխան տան, հուսանք թավիշը շուտով կավարտվի»:
