Քաղաքագետ Հրանտ Մելիք-Շահնազարյանն իր ֆեյսբուքյան էջում գրել է.
«ՀՀ ԱԺ «Իմ քայլը» խմբակցության պատգամավորների տղամարդկությունը չի բավականացնում խոստովանել, որ դատարանների դիմաց կանգնած՝ իրենք էլ են մասնակցում դատական իշխանության դեմ կազմակերպված հարձակմանը։ Ասում են՝ իբրև եկել են իրենց ընտրողների հետ հանդիպման։ Վախենում են խոստովանեն իրենց մասնակցությունը, որովհետև լավ գիտեն, որ այն ինչ անում են չափազանց ծանր հանցագործություն է, որը քրեական օրենսգրքում կոչվում է սահմանադրական կարգի տապալում և դատապարտվում է շատ տարիների ազատազրկմամբ։
Նիկոլ Փաշինյանն իր քաղաքական ողջ թիմը դարձրեց հանցագործ։ Հուսադրում է միայն այն, որ դատական համակարգի դեմ հայտարարված պատերազմը մերժվեց հասարակության կողմից։ Հանրապետության դատարանների դեմ այս պահին հավաքված ժողովուրդ չկա։ Այնտեղ միայն Փաշինյանի քաղաքական թիմի ներկայացուցիչներն ու նրանց փոքրաթիվ հետևորդներն են։ Եվ ուրեմն իբրև թե «ընտրողների հետ հանդիպման» եկած պատգամավորները, մարզպետներն ու այլ պաշտոնյաները զրկվել են ժողովրդի ետևում թաքնվելու հնարավորությունից։ Բոլորը պատժվելու են, բոլորը դատվելու են։ Հերթով, կարգով...»:
