Հատված անավարտ «Քրդստան և թուրք-քրդական հարցը» պայմանական վերնագրով իմ հեղինակային գրքից...
Ամադ կամ Ամադիա:
Բնակավայր է ժամանակակից Հյուսիսային Իրաքի տարածքում՝ Իրաքյան Քրդստանում: Դոհուկից դեպի հյուսիս-արևմուտք 90 կմ հեռավորության վրա: Բնակավայրը ունի 1000 մետր երկարություն և 500 մետր լայնություն և տեղավորված է ժայեռային հարթության վրա , բնական անհասանելի պարիսպներով շրջապատված: Այս բնակավայրը գալիս է հազարամյակների խորքից : Եղել է Ասորեստանի ամենածաղկուն քաղաքներից, եղել է նախաքրիստոնեական մշակույթի կենտրոն, այնուհետև քրիստոնեական, իսկ Ասորտստանի անկումից հետո անցել է արաբալեզու ցեղերի տիրապետության տակ: Այստեղ այժմ կան 1200 տներ , որտեղ բնակվում են 6000 մարդ, որից 2500 քրդեր, 1900 հրեա, 1600 ասորիներ: Մզկիթներն ու եկեղեցիները վերափոխված տաճարներ են: Ամեդիան եղել է Պարսկաստանի և Ասորեստանի քահանապետի նստավայրը: Ամեդիա անունը հիշատակվում է նաև աստվածաշնչում. « Ալամելէք, Ամադ, եւ Մասաղ. եւ արեւմտեան կողմից հասնում է Կարմեղոսին եւ Սիօր-լեբնաթին»:
Հ.Գ.Բնակավայրի մասին մանրամասն նկարագրությունը և պատմությունը շատ ավելի երկար է լինելու գրքում:
