Բաղադրիչներ
- Մսային սոուսի համար`
- սոխ - 1 գլուխ
- տաքդեղ - 1 հատ
- պահածոյացված կանաչ ոլոռ - 200 գ
- խոզի միս - 1 կգ (աղացած)
- լոլիկի մածուկ - 600 գ
- աղ
- սև պղպեղ
- Սպիտակ սոուսի համար՝
- կարագ - 60 գ
- ալյուր - 2 ճ/գ
- կաթ - 500 մլ
- կաթնաշոռ - 250 գ
- Ինչպես նաև՝
- պանիր մոցարելա - 500 գ
- լազանյայի շերտեր - 12 հատ
Պատրաստման եղանակը
Լազանյայի շերտերը թրջում ենք շատ քիչ եռացրած ջրով և թողնում՝ փոքր-ինչ փափկեն: Պարբերաբար ստուգում ենք, որպեսզի շերտերն իրար չկպչեն:
Մանր կտրատում ենք սոխը և տաքդեղը: Թավայի մեջ ենք լցնում 1 ճ/գ բուսայուղ, ապա տաքացնում այն միջին կրակի վրա: Թավայի մեջ ենք լցնում սոխը, տաքդեղը և խառնելով տապակում 5 րոպե:
Ավելացնում ենք աղացած միսը և խառնելով եփում, մինչև միսը կորցնի վարդագույն երանգը:
Ավելացնում ենք լոլիկի մածուկը, խառնում ստացված զանգվածը և հասցնում եռման վիճակի: Թողնում ենք՝ այդպես տապակվի 10 րոպե, ապա ավելացնում ոլոռը և տապակում ևս 5 րոպե:
Հանում ենք կրակի վրայից և համեմում աղով, պղպեղով:
Պատրաստում ենք սպիտակ սոուսը: Փոքրիկ կաթսայի մեջ հալեցնում ենք կարագը միջին կրակի վրա, ավելացնում ալյուրը և խառնելով տապակում մինչև ալյուրի թեթևակի ոսկեգույն երանգ ստանալը: Մաս առ մաս ավելացնում ենք կաթը՝ անընդհատ խառնելով զանգվածը այդ ընթացքում: Եփում ենք ստացված զանգվածը մինչև պնդանալը՝ չմոռանալով անընդհատ խառնել եփվելու ողջ ընթացքում:
Հանում ենք կրակի վրայից, ավելացնում կաթնաշոռը և խառնում մինչև սոուսի միատարր դառնալը: Համեմում ենք աղով՝ ըստ ճաշակի:
Ձևամանի (19x26սմ չափով) հատակին ենք լցնում մի քանի գդալ սպիտակ սոուսից և տարածում: Վրան շարում ենք լազանյայի շերտերը, կրկին տարածում սպիտակ սոուսը, ապա շաղ տալիս քերած մոցարելան: Լցնում ենք մսային զանգվածի 1/3-րդը, ապա ծածկում լազանյայի շերտերով և այդպես շարունակ: Մսային զանգվածի վերջին շերտը պատում ենք լազանյայի շերտերով, քսում սպիտակ սոուսը և վրան շաղ տալիս քերած մոցարելան:
Տեղափոխում ենք լազանյան ջեռոց եփվելու 30 րոպե 200 աստիճանում:
Պատրաստի լազանյան թողնում ենք՝ հանգստանա 10 րոպե սենյակային ջերմաստիճանում, ապա համտեսում:
Մանր կտրատում ենք սոխը և տաքդեղը: Թավայի մեջ ենք լցնում 1 ճ/գ բուսայուղ, ապա տաքացնում այն միջին կրակի վրա: Թավայի մեջ ենք լցնում սոխը, տաքդեղը և խառնելով տապակում 5 րոպե:
Ավելացնում ենք աղացած միսը և խառնելով եփում, մինչև միսը կորցնի վարդագույն երանգը:
Ավելացնում ենք լոլիկի մածուկը, խառնում ստացված զանգվածը և հասցնում եռման վիճակի: Թողնում ենք՝ այդպես տապակվի 10 րոպե, ապա ավելացնում ոլոռը և տապակում ևս 5 րոպե:
Հանում ենք կրակի վրայից և համեմում աղով, պղպեղով:
Պատրաստում ենք սպիտակ սոուսը: Փոքրիկ կաթսայի մեջ հալեցնում ենք կարագը միջին կրակի վրա, ավելացնում ալյուրը և խառնելով տապակում մինչև ալյուրի թեթևակի ոսկեգույն երանգ ստանալը: Մաս առ մաս ավելացնում ենք կաթը՝ անընդհատ խառնելով զանգվածը այդ ընթացքում: Եփում ենք ստացված զանգվածը մինչև պնդանալը՝ չմոռանալով անընդհատ խառնել եփվելու ողջ ընթացքում:
Հանում ենք կրակի վրայից, ավելացնում կաթնաշոռը և խառնում մինչև սոուսի միատարր դառնալը: Համեմում ենք աղով՝ ըստ ճաշակի:
Ձևամանի (19x26սմ չափով) հատակին ենք լցնում մի քանի գդալ սպիտակ սոուսից և տարածում: Վրան շարում ենք լազանյայի շերտերը, կրկին տարածում սպիտակ սոուսը, ապա շաղ տալիս քերած մոցարելան: Լցնում ենք մսային զանգվածի 1/3-րդը, ապա ծածկում լազանյայի շերտերով և այդպես շարունակ: Մսային զանգվածի վերջին շերտը պատում ենք լազանյայի շերտերով, քսում սպիտակ սոուսը և վրան շաղ տալիս քերած մոցարելան:
Տեղափոխում ենք լազանյան ջեռոց եփվելու 30 րոպե 200 աստիճանում:
Պատրաստի լազանյան թողնում ենք՝ հանգստանա 10 րոպե սենյակային ջերմաստիճանում, ապա համտեսում:
Եթե որոշեցիք հյուրերի համար պատրաստել խոզի մսով լազանյա, ապա շատ հանգիստ այն կարող եք պատրաստել մի քանի ժամ առաջ, իսկ հյուրերի ժամանելուն պես պարզապես այն տաքացնել ջեռոցում:
Բարի ախորժակ։
