Օգտագործվող սննդի որակը շատ կարևոր է առողջության համար։ Fithacker.ru-ն գրում է, որ մի խումբ մթերքներ կարող են ցավազրկող ազդեցություն ունենալ օրգանիզմի վրա։
Խնձորի քացախը՝ այրոցի դեմ։ 230 մլ ջրին ավելացրեք 1 գդալ խնձորի քացախ և խմեք յուրաքանչյուր անգամ սնունդ օգտագործելուց առաջ։
Արքայախնձորը՝ նյութափոխանակության համար։ Փորձագետների կարծիքով՝ մի բաժակ արքայախնձորի թարմ հյութը կարող է օգնել ազատվել որովայնի փքվածությունից։ Այս հյութը ֆերմենտներ է պարունակում, որոնք իսկապես կարող են լավացնել նյութափոխանակությունը։
Իմբիրը՝ մկանների ցավերի դեմ։ Իմբիրը կարող է օգնել հանգստացնել ինչպես մկանային, այնպես էլ՝ հոդերի ցավերը։ Պարզապես ամեն օր մեկ թեյի գդալ իմբիր օգտագործեք։
Քրքումը՝ քրոնիկ ցավերի դեմ։ Ըստ որոշ հետազոտությունների արդյունքների՝ քրքումը կարող է 50 տոկոսով թեթևացնել ֆիբրոմեալգիայի ցավերը։ Խորհուրդ է տրվում օրվա ընթացքում օգտագործել քառորդ թեյի գդալ քրքում։
Սուրճը՝ միգրենի դեմ։ Ըստ հետազոտությունների՝ սուրճը կարող է 40 տոկոսով նվազեցնել միգրենի հետևանքով առաջացող ցավերը։
Մեխակը՝ ատամների ցավի դեմ։ Մեխակը նյութեր է պարունակում, որոնք կարող են օգնել հանգստացնել ատամի ցավը։ Այն կարող է օգնել նաև կարգավորել արյան մեջ խոլեստերինի մակարդակը. այդ նպատակով հարկավոր է օգտագործվող մթերքին կես թեյի գդալ մեխակ ավելացնել։
Բալը՝ հոդացավերի և գլխացավի դեմ։ Պարզապես հարկավոր է ամեն օր մի բաժակ բալ օգտագործել։
Անանուխի յուղը՝ բորբոքված մկանների դեմ։ Մկանները կարող եք թուլացնել լոգանքի օգնությամբ՝ ջրին ավելացնելով 10 կաթիլ անանուխի յուղ։
Տոմատի հյութը՝ ոտքերի ջղաձգումների դեմ։ Ոտքերի ջղաձգումները կարող են կալիումի անբավարար մակարդակի հետևանք լինել։ Իրավիճակը շտկելու համար հարկավոր է պարբերաբար 300 մլ տոմատի հյութ խմել։
Մեղրը՝ բերանի խոռոչի համար։ Խոցերի առկայության դեպքում մեղրը կօգնի, որ դրանք ավելի արագ ապաքինվեն։
