Աբսուրդն այնտեղ է հասնում, որ մարդիկ պայքարում են հանուն ծխելու: Հարց է առաջանում, մարդիկ ովքեր կողմ են ծխելուն, պատրա՞ստ են իրենց երեխայի ձեռքին ծխախոտ տեսնել, թե՞ ինչ-որ բանին դեմ լինելու առիթ է ստեղծվել:


Դեմ լինել, չի նշանակում օբյեկտիվ չլինել, դեմ լինել չի նշանակում անիմաստ բղավել: Կարելի է դեմ լինել, բայց մի քիչ գիտակցված այդ ամենն անել:

 

Ինքս օրենքի նման նախագծին կողմ չեմ: Օրենքը բազմաթիվ բացեր ունի: Սա այն դեպքերից է, երբ օրենք գրողներն ուղղակի թուղթ են սևացրել, բայց գաղափարին միանշանակ կողմ եմ ու որոշ շտկումներից հետո մենք կարող ենք հետևողական պայքար մղել ծխելու դեմ:

 

Ուսումնասիրեք, թե ինչից են Հայաստանում մարդիկ մահանում և կհամոզվեք, որ ծխախոտը Հայաստանի համար մեկ վտանգներից մեկն է:

 

Էդգար Խաչատրյան