Ոստիկանությունը վերջին տարիներին արդիականացվել և հանդես է գալիս բոլորովին այլ՝ բարեփոխված, պրոֆեսիոնալ դիրքերից։ Սա փաստ է, ու այս ոլորտում առաջընթացը ոչ ոք ժխտել չի կարող։

Աշխարհի տարբեր ծայրերում ամեն օր փոխհրաձգություն, անկարգություն, հանցագործություն, հաշվեհարդար, ահաբեկչություն է կատարվում. այսօր էլ Լոնդոնի մետրոյում պայթյուն է որոտացել։ Ոչ մի երկիր ապահովագրված չէ նման ցավալի երևույթներից։ Հայաստանում նույնպես, ինչպես ցանկացած երկրում, ուզենք, թե չուզենք, տեղի են ունենում իրավախախտումներ, և ոստիկանությունն այդ ամենին առաջին արձագանքողն է՝ շատ հաճախ ծայրահեղ պայմաններում, վտանգելով ոստիկանների կյանքը։ Անհասկանալի է ոստիկանական ծառայության նկատմամբ ժամանակ առ ժամանակ կրքերի բորբոքումը. ի՞նչ են առաջարկում` ամեն դուռ ու պատուհանի, ամեն շենքի ու կանգառի մոտ ոստիկանական խո՞ւմբ կանգնեցնել։ Չկա նման բան։ Ու նաև մեր ոստիկանության շնորհիվ է, որ Հայաստանն այսօր աշխարհի ամենաանվտանգ երկրների թվում է։

 

Կարեն Ավագյան