Նոր քարտեզներ են շրջանառվում թուրքական մեդիա դաշտում կապված հարևան Սիրիայում և Իրաքում թուրքական զինուժի ներխուժման հետ, որի հիմնական թիրախը PKK-ն է (Քուրդիստանի աշխատավորական կուսակցությունը):
Ստորև բերված քարտեզում թուրքական ներխուժման հիմնական ուղղություններն են՝
1. Սիրիայում Թալ Աբյադի ուղղությամբ, որն անցած տարի ԻՊ-ից՝ վերցնելով քրդերը հասան Քոբանի և ալ-Ջազիրա քրդաբնակ հատվածների միավորմանը և այստեղ այսպես կոչված Ռոժավայի՝ քրդական ինքնավարության հռչակմանը: Ճիշտ է, վերջերս քրդերն ավելի զուսպ են արտահայտվում հիշյալ տարածքներում քրդական ինքնավարության անվանումն օգտագործելու ժամանակ, արդեն կիրառվում է Սիրիայի հյուսիսային ֆեդերալ տարածք անվանումը, բայց դա այլ խնդիր է:
2. Իրաքում եզդիաբնակ Սինջարի ուղղությամբ:
3. Իրաքի հյուսիսային լեռնային շրջանների ուղղությամբ:
Հիշյալ երեք ուղղություններով թուրքական զինուժի հնարավոր շարժվելը պայմանավորված է մեկ հիմնական հանգամանքի հետ՝ այս հատվածները կամ գտնվում են PKK-ի վերահսկողության տակ, կամ այստեղ կան PKK-ի ռազմակայաններ:
Նախագահական կառավարման մոդելի անցած Թուրքիան պետք է լուծի քրդական հիմնահարցը (PKK-ի խնդիրը) նաև տարածաշրջանում, իսկ թե ո՞նց, ժամանակը ցույց կտա:
