Փաստորեն ՀՀ բոլոր կառավարությունների համար եվրոպական վարկեր ստանալն ու յուրացնելն ավելի կարևոր է, քան սեփական երկրի անվտանգությունը։ Բայց ինչպես երևում է, իշխանություններն այնքան էլ մեղավոր չեն։ Հասարակության մեծ մասը անհաղորդ է արևմուտքի կողմից հարյուրավոր տարիներ իրագործվող հակահայկական քաղաքականությանը, և շատ-շատերը կարծելով, թե եվրոպան իրականացնում է հավասարակշռված քաղաքականություն կովկասում, պարզապես հիանում են արդեն զառամյալ այդ երևույթով․․․ Հայաստանի անվտանգությամբ մտահոգ իշխանությունը ոչ մի գործ չունի եվրոպաներում։
Հակառակը, ՀՀ իշխանությունները պետք է բարոյապես ոչնչացնեն եվրոպական մի շարք երկրների, որոնք անմիջական պատասխանատուներն են ցեղասպանության, և որոնց սպաները ուղղակիորեն ղեկավարել են այն․․․ ԵՎ հենց իրենց անբարոյական քաղաքականության պատճառով նրանք բացարձակապես իրավունք չունեն ՀՀ-ին քաղաքականություն պարտադրել՝ խառնվելով մեր ներքին գործերին․․․
ՀՀ միակ երաշխավորը վեց միլիարդանոց բյուջեն է, նորագույն զենքերով սպառազինված մարտունակ բանակը և զարգացող տնտեսությունը․․․ Սակայն կառավարությունները կհասկանան այս ամենը, երբ առաջին հերթին հենց հասարակությունը գիտակցի սկզբունքայնության կարևորությունը, քանզի վերջիվերջո, որքան էլ մենք մեղադրենք կառավարություններին, այնուամենայնիվ, նրանք իրականացնում են այն գաղափարները, այն տեսակետները, որոնք իշխում են զանգվածներին և որոնք արտահայտվում են, մեղմ ասած, վերլուծելու ունակությունից զուրկ հասարակության մեծամասնության կողմից։
Արմեն Հարությունյան
