Գաղտնիք չէ, որ ՀՀ-ում հեռուստահաղորդակցությունն անցում է կատարում թվային հեռարձակման, ինչից օգտվելու համար պետք է ձեռք բերել թվային ընդունիչ կամ գնել նոր' թվային ընդունիչով հեռուստացույց:
Վերը նշվածը իրենից ենթադրում է հավելյալ ծախսեր, այդ իսկ պատճառով, անցյալ տարվա վերջին ՀՀ կառավարությունը որոշում էր կայացրել անապահով ընտանիքներին անվճար թվային ընդունիչներ տալու մասին:
Այսօր «Հայաստանի հեռուստատեսային և ռադիոհաղորդիչ ցանց» ՓԲԸ գլխավոր տնօրեն Գրիգոր Ամալյանը լրագրողների հետ հարցազրույցի ժամանակ ասել է, որ թվային հեռարձակման կցուրդ սարքերի առաջին խմբաքանակն արդեն իսկ Հայաստանում է, մյուս խմբաքանակն էլ մի փոքր ուշացումով տեղ կհասնի:
Մաքսազերծումից հետո սարքերը փոխանցվելու են տարածքային կառավարման նախարարությանը, ինչից հետո դրանք կառավարության կողմից սահմանված ժամկետներում բաժանվելու են համապատասխան ընտանիքներին:
Մարինա Ներսեսյան
