2011թ-ից սկսած իշխանությունների կողմից սկսվեցին մի քանի հիմնական ուղություններով համակարգված ծրագրեր իրականացվել, որոնք ուղղված էին գյուղերին և գյուղատնտեսության աջակցմանը:

Պետության կողմից գյուղատնտեսական վարկերի սուբսիդավորումը' այսինքն, բանկերից գյուղացիներին տրվող վարկերի տոկոսադրույքի մի մասի մարումը, վերը նշված ուղությունների թվին է պատկանում: Սույն գործընթացի ապահովման համար տրամադրվել է շուրջ 77,5 հազար վարկ, որոնց տոկոսադրույքների պետության կողմից սուբսիդավորված գումարը կազմել է 2,4 մլրդ դրամ: Այս գործընթացի օգտակարություն հստակ պատկերում է անցած 4 տարիներում գյուղատնտեսության ոլորտում արձանագրված տնտեսական աճը.

գյուղատնտեսության համախառն արտադրանքը 2011-ին աճել է 14,1%-ով, 2012-ին' 9,5%-ով, 2013-ին' 7,1%-ով իսկ 2014-ին 7,2%-ով:

Օրերս կայացած կառավարության նիստում որոշում է ընդունվել, որ պետությունը 4 % և 6% տարբերակված սուբսիդավորման փոխարեն, այս տարի բոլոր գյուղվարկերը սուբսիդավորելու է 6%:
Այսպիսի որոշումը ցույց է տալիս, որ կառավարությունը միտում ունի գյուղատնտեսության ոլորտում տնտեսավարողների համար բարենպաստ պայմաններ ստեղծել: Հարկ է նշել, որ վերը նշված որոշումը կառավարության ընտրած քաղաքականության միայն մի ուղղությունն է:

Այս տարի ևս' շարունակվելու են պետական աջակցության մյուս ծրագրերը.

1.վառելանյութի և պարարտանյութերի արժեքների փոխհատուցումը

2.ազոտական, ֆոսֆորական և կալիումական պարարտանյութի մատակարար ընկերություններին տրամադրել բյուջետային վարկ' 4,5 մլրդ դրամի չափով:

Տիգրան Հարությունյան