Ստորջրյա լուսանկարիչ և ֆայն-արտի գիտակ Ջեննա Մարտինը Մոնտանա նահանգից է: Ջեննան մասնագիտությամբ հոգեբան է, սակայն արմատապես փոխել է կարիերան և վերջին երկու տարում ստեղծում է սյուրռեալիստական հիասքանչ լուսանկարներ: Նա պաշտում է իր աշխատանքը և համարյա հանգստյան օրեր չունի: Գտնում է, որ դեպի անձնական ոճ տանող ճանապարհն անցնում է սխալների և բազմաթիվ փորձարկումների միջով: Ջեննայի կարծիքով՝ անընդհատ պետք է սովորել, որպեսզի կարողանաս աճել և զարգացնել քո վարպետությունը: