Այս կամ այն իրադարձությունը միշտ էլ ունենում է ինչպես արտաքին կողմեր, այնպես էլ ներքին խորքային պատճառներ: Պատմության մեջ հաճախ են դեպքերը, երբ ռազմական գործողություններ իրականացնելուց առաջ ինչ-որ սադրանքներ են տեղի ունենում: Հիշենք, 1-ին աշխարհամարտը սկսելու առիթը' Ավստրո-Հունգարիայի թագաժառանգ Ֆրանց Ֆերդինանդի սպանությունն էր, կամ երբ նույն աշխարհամարտի ժամանակ անհրաժեշտ էր, որ ԱՄՆ-ն մտնի պատերազմի մեջ , տեղի ունեցավ «Լուզիտանիա» մարդատար շոգենավի խորտակումը գերմանացիների կողմից, որի ժամանակ զոհվեցին 1000-ից ավելի ամերիկյան քաղաքացիներ:

2-րդ աշխարհամարտում, երբ անհրաժեշտ էր, որ ԱՄՆ-ն մտնի պատերազմի մեջ տեղի ունեցավ ճապոնացիների հարձակումը Պերլ Հարբորի վրա: 1964թ.-ին' «Տոնկինյան միջադեպը» պատճառ հանդիսացավ, որ ԱՄՆ-ն սկսի Վիետնամական պատերազմըը և այսպիսի բազմաթիվ պատմական օրինակներ:

Եվ ահա Փարիզում տեղի ունեցած ահաբեկչական ակտից հետո, Ֆրանսիան որոշեց Պարսից ծոց ուղարկել «Շառլ դե Գոլ ավիակիրը»: Հիմա էլ ե՞ք կարծում, որ այդպիսի իրադարձությունները պատահական են լինում:

Լևոն Ստեփանյան