Կյանքը հնարավորություն է, օգտագործի՛ր:

Կյանքը գեղեցկություն է, հիացի՛ր:

Կյանքը երանություն է, ճաշակի՛ր:

Կյանքը երազ է, իրագործի՛ր:

Կյանքը մարտահրավեր է, դիմագրավի՛ր:

Կյանքը պարտականություն է, կատարի՛ր:

Կյանքը խաղ է, խաղա՛:

Կյանքն թանկ է, գուրգուրի՛ր:

Կյանքը հարստություն է, պահպանի՛ր:

Կյանքը սեր է, վայելի՛ր:

Կյանքը խորհուրդ է, իմացի՛ր:

Կյանքը խոստում է, հարգի՛ր:

Կյանքը վիշտ է, հաղթահարի՛ր:

Կյանքը երգ է, երգի՛ր:

Կյանքը պայքար է, ընդունի՛ր:

Կյանքը ողբերգություն է, սրտապնդվի՛ր:

Կյանքը արկածախնդրություն է, հանդգնի՛ր:

Կյանքը կյանք է, կերտի՛ր:

Կյանքը շա՜տ թանկ է, մի՛ կործանիր…

Այսօր Հնդկաստանի Կալկաթա քաղաքում հատուկ պատարագ է մատուցվել ի պատիվ Մայր Թերեզայի (1910-1997թթ.) 100-ամյակի։
Մայր Թերեզան (Ագնեսա Գոնջա Բոյաջիու) ծնվել է 1910 թվականին, Մակեդոնիայում։ 1940-ականների վերջին նա միանձնուհիների միաբանություն է ստեղծել Կալկաթայում, որն ակտիվորեն զբաղվել է դպրոցների, ապաստանների, աղքատների համար հիվանդանոցների ստեղծմամբ։ Հետագայում Մայր Թերեզան հիմնադրեց Գթասրտության Օրդենը, որը շարունակում էր օգնել աղքատ ու դժբախտության մեջ հայտնված մարդկանց ամբողջ աշխարհով մեկ։ Իր գործունեության համար նա ստացել է Խաղաղության Նոբելյան մրցանակ։
2003-ին կաթոլիկ եկեղեցին նրան դասեց երանելիների շարքը։
Հիշեցնեք, որ 88-ի Սպիտակի երկրաշարժից օրեր անց՝ դեկտեմբերի 20-ին, Մայր Թերեզան իր միանձնուհիների հետ Հայաստանում էր՝ օգնելու համար աղետից տուժածներին։ Լուսանկարում նա պատկերված է Երեւանի թիվ 3 մանկական հիվանդանոցում։

Մայր Թերեզա 10 ասույթներ

1.Մարդիկ անխոհեմ են, անտրամաբան և եսակենտրոն,
ներեք նրանց ամեն դեպքում:

2.Երբ բարիք ես գործում, մարդիկ քեզ կմեղադրեն ծածուկ եսասիրական մտադրության մեջ,
բարիք գործիր ամեն դեպքում:

3.Եթե հաջողակ ես և կեղծ ընկերներ, և թշնամիներ ես վաստակում,
ձգտիր հաջողության ամեն դեպքում:

4.Բարիքը, որն անում ես այսօր, վաղը կմոռացվի,
բարիք գործիր ամեն դեպքում:

5.Եթե դու ազնիվ ու անկեղծ ես, մարդիկ կխաբեն քեզ,
ազնիվ և անկեղծ եղիր ամեն դեպքում:

6.Տարիներ շարունակ քո կառուցածը մեկ ակընթարթում կարող է կործանվել,
շարունակիր կառուցել ամեն դեպքում:

7.Մարդիկ իսկապես օգնության կարոտ են, բայց եթե օգնես նրանց, կարող են քեզ վրա հարձակվել,
օգնիր ամեն դեպքում:

8.Տո'ւր աշխարհին քո ունեցած ամենալավը, և կփշրեն քո ատամները,
Տո'ւր աշխարհին քո ունեցած ամենալավը ԱՄԵՆ ԴԵՊՔՈՒՄ:

9. Կարևոր չէ թե ով և ինչ է խոսում ձեր մասին, պարզապես վերաբերվեք դրանց ժպիտով և շարունակեք կատարել ձեր գործը ամեն դեպքում:

10. Եթե ձեր լավագույնը կիսեք մարդկանց հետ, մեկ է դա նրանց երբեք չի բավականացնի, շարունակեք կիսել նրանց հետ ձեր լավագույնը ամեն դեպքում:

ԱՂՈԹԵՔ ՄԻԱՍԻՆ և ՄՆԱՑԵՔ ՄԻԱԲԱՆ

Մարինա Գևորգյան