Քաղաքացիական մի նախաձեռնություն կոչ է արել բոլորիս՝ հուլիսի 5-ին, ժամը 22-ին, մեկ ժամով մարել մեր տների լույսերը՝ բողոքելով էլեկտրաէներգիայի սակագնի թանկացման դեմ:

Անշուշտ լավ նախաձռնություն է: Կարծում եմ՝ օրն էլ պատահական չէ ընտրված. Սահմանադրության օրն արժի, որ քաղաքացին գոնե մեկ ժամ սկզբունքային դիրքորոշում ունենա:

Բայց վստահ եմ, որ այս նախաձեռնությունը մասսայական բնույթ չի ունենա, որովհետև պայքարելու ընդունակություն ունեն մարդիկ, որոնց հոգիներում լույսը մշտարթուն է:

Մեր ամենամեծ դժբախտությունն այն է, որ մեր միջի լույսն ենք մարել:

90-ականներին խավար էր, մեր տներում լույս ու ջերմություն չկար, բայց ամեն մեկիս հոգում մի ջահ կար, որը լուսավորեց սահման պահող ու հաղթանակ կերտող զինվորի, կամավորականի ճանապարհը:

Այսօր խեղճացած ենք, մեր հոգիներում մարող կրակ է՝ աշնանային տերևաթափի տխուր ուղեկցությամբ...

Սուրեն Սուրենյանց