Արդեն մի քանի ամիս ա, ինչ խանութից առնում եմ տվյալ օրվա արտադրության կաթ ու հաջորդ օրը մի բաժակ խմելու համար եռացնելիս՝ կաթն արդեն կտրվում ա, մինչդեռ, ըստ ժամկետի, պիտի փչանար արտադրվելուց հետո 5-րդ օրը: Այսինքն կաթը դիմանում ա ուղիղ 24 ժամ (պահելու ու եռացնելու բոլոր կանոնները պահպանելով հանդերձ): Իսկ երբ առնում եմ մեր գյուղացիներից, բերում եռացնում ու պահում սառնարանում նույն կերպ, ինչ խանութից առածը, էդ կաթը դիմանում ա շաբաթներ: Վերջը չդիմացա, որոշեցի կարդալ՝ ինչ բան ա կաթի պաստերիզացիան: Ըստ վիկիի՝ դա կաթի կյանքը երկարացնող մի միջոց ա, որով կաթը հնարավոր ա դառնում պահել մի շաբաթից ընդհուպ մինչև ամիսներ (նայած ինչ աստիճանի պաստերիզացիա) ու ընդամենը նշանակում ա կաթի տաքացում ու արագ սառեցում: Հիմա ինձ մեկը կարա՞ բացատրի, թե ի՛նչ մոգական գործողություն են կատարում մեր գործարաններում, որ կաթի կյանքը հասցնեն 24 ժամի: Հատուկ տեսակի բացիլ ե՞ն ներմուծում: Ասենք՝ ինչ հնարամտություն ա պետք ունենալ, որ հաջողացնես հում կաթը «չկարողանաս տաքացնես» նույնիսկ էնքան, ինչքան կարողանում եմ տաքացնել ես տնային պայմաններում: Պաստերիզացիան կոչված ա երկարացնելու՛ սննդի կյանքը, բայց հայ «գործարարները» փաստորեն նույնիսկ դա՛ են հաջողացնում «թարս աճացնել»:

Գայանե Ղազարյան