Ընտանիքի միջազգային օրվա կապակցությամբ լավ կլիներ, եթե Առողջապահության նախարարությունը զգուշացներ, որ ՀՀ առողջապահության համակարգը վնասակար է առողջության համար:
Իմ լավ ծանոթներից մեկը հրավեր էր ստացել Հայաստանյան առաջադեմ կլինիկաներից մեկից և արտասահմանից մեկնել էր Հայաստան աշխատելու ավելի ցածր վարձատրությամբ, քան ստանում էր արտերկրում:
Որոշ ժամանակ անց այդ կլինիկայի բաժնետերերից մեկը' բժիշկ, առաջարկել էր, որ ախտորոշումները այնպես գրի, որ վիրաբուժներն էլ փող աշխատեն: Այդ առաջարկը մերժվել է իմ ծանոթի կողմից, որպես հանցակազմ պարունակող երևույթ և որպես պրոֆեզինալ էլ ինքը իրեն չէր կարող թույլ տալ դա:
Արդեն հասկանալի է, որ այդ մարդը պետք է ազատվեր աշխատանքից, իսկ հայկական իրականությունն էլ պարտադրել է, որ այդ մարդուն սպառնան, որ եթե ինքը դրա մասին խոսի կամ Հայաստանում այլ տեղ փորձի աշխատել, իր համար շատ վատ կլինի: Իհարկե այդ մարդը այդքանից հետո չէր էլ պատրաստվում ՀՀ-ում մնալ:
Հասկանալի պատճառներով անուններ չեմ գրում: Այստեղ կարևորը երևույթն է:

Արման Մուշեղյան