Մեզ մոտ բոլոր պայմաններն ստեղծել են, որպեսզի մարդը շարունակ իջնի, ստորանա, ոչնչացվի, ի վիճակի չլինի ազնիվ մնալ, ձգտել գեղեցկի: Երկրին, վերևներին մտածող մարդ, մտավորական, թվում է, պետք չէ: Ընդամենը գոյություն քարշ տուր, կեռվիր, ամեն րոպե, ամեն վայրկյան կորցրու մարդկային, մասնագիտական, ազգային որակներդ, դարձիր անասուն, ձեռնասուն, կատարածու: Այդպես էր խորհրդային տարիներին, նույնն է նաև այսօր: Ու՞մ ցուցումն է, միտումո՞վ է արված, արվում, թե՞ տարերայնությունն է տանում դրան: