Վերջերս Ռիհանան սիրախաղ է անում ռեփեր Դրեյքի հետ: Իհարկե՝ այդ մասին միայն համառորեն լուրեր են պտտվում, իսկ սիրահարները չեն հաստատում, բայց չեն էլ հերքում դրանք:

Բացի այդ, եթե հավատանք աղբյուրներին, աստղային զույգը մշտական հարաբերություններով աչքի չի ընկնում. նրանք մե՛կ բաժանվում են, մե՛կ նորից սկսում են հանդիպել:

Օրերս Ռիհանան եւ նրա ընտրյալը պապարացիների ուշադրությունը գրավել են Փարիզում: Ռիհանային տեսել են L'Avenue ռեստորանից դուրս գալիս, որտեղ նա ընթրել է Դրեյքի հետ: Սակայն երիտասարդ երաժշտին, ի տարբերություն Ռիհանայի, հաջողվել է հաստատությունն աննկատ լքել. նրան չեն հասցրել լուսանկարել:

Նշենք, որ վերջին մեկուկես ամսվա ընթացքում Ռիհանային եւ ռեփերին միասին երկրորդ անգամ են տեսնում: Մինչ այդ, հունվարին նրանք միասին երեկո են անցկացրել Լոս Անջելեսի Արեւմտյան Հոլիվուդի ռեստորաններից մեկում: Այն ժամանակ սիրահար զույգին տեսել էին տաքսի նստելիս:~Sus

Աստղային Նորություններ