ԵՐԿՆԱՅԻՆ ԱՐՔԱՅՈՒԹՅՈՒՆ...
ԳՐԻԳՈՐ ԳՈՒՐԶԱԴՅԱՆ
Մարդկության գոյության ընթացքում չի եղել տարի, որ այս մի բուռ հողագնդի վրա չլինեն պատերազմներ, բախումներ… Մարդը զբաղված է միայն Երկիր մոլորակի վրա ավերածություն գործելով, ուրիշ աշխարհներ, ուրիշ մոլորակներ նրա ավերմունքը չի հասնում, բարեբախտաբար։
Մարդ արարածը ստեղծեց ատոմային ռումբ՝ իր նմանին սպանելու համար… Տիեզերքի եւ ոչ մի կետում չկա այդ ձեւը գոյակցության։ Ի՜նչ ֆանտաստիկ միջոցներ են ծախսվում մարդու ձեռքով մարդ սպանելու համար… Չի տեղավորվում գիտակցության մեջ. այս պահին բոլոր հզորագույն երկրները վարակված են մարդ սպանելու, բնաջնջելու, քաղաքներ, բնակավայրեր ամայեցնելու տենդով…
Բավ է, եկե՛ք հասկանանք. տիեզերքում պատերազմներ չկան, պատերազմը հորինվել է այս Երկիր կոչված հողագնդի վրա, պատերազմի ուրվականը սավառնում է բոլոր երկրների, բոլոր ժողովուրդների գլխավերեւում… Մայրերը չեն քնում իրենց զավակների ապագայի սարսափից, հայրերը ապշահար իրար են նայում, թե ինչ պիտի լինի վերջը…
Սիլվա Յուզբաշյան
