Nokia ընկերությունը իր մրցակիցներին ծաղրելու որևէ հնարավորություն բաց չի թողնում:
Գունավոր iPhone 5с-ի պրեզենտացիայից հետո ֆինական ընկերության ամերիկյան մասնաճյուղը պաշտոնական twitter բլոգում շնորհակալություն է հայտնել Apple-ին և հրապարակել գունավոր Lumia սմարթֆոնների նկարը՝ «Նմանակումը լավագույն հաճոյախոսությունն է» գրությամբ:
Երկու նոր iPhone-ների 8 մեգապիքսել կամերաները ևս անմասն չեն մնացել Nokia-ի ծաղրից. «8 մեգապիքսե՞լ: Ահ, ինչ լավ է: Apple-ը հենց դա է անվանում «նորարարություն»:) »,- գրում էNokia-ն:
Իրենց ամերիկյան ընկերներին միացել է ֆինական ընկերության բրիտանական մասնաճյուղը՝ արձագանքելով ոսկեգույն պատյանով iPhone 5s-ի անոնսին. «Իսկական գանգստերները չեն օգտագործում ոսկյա հեռախոսներ»: Գրությունը ուղեկցված էր հետևյալ նկարով:
