Ժողովուրդ ջան, ի տարբերություն Զորի Գայկովիչի, որ Արցախի խնդիրը համարում է վլադիմիրպուտինյան Ռուսաստանի խնդիրը և Արցախի ապագան տեսնում է միայն ռուսական սապոկի տակ, որոշել եմ ես էլ մի նամակ գրել Մոնղոլիայի նախագահ Ցախիագիյն Էլբեգդորժին, քանի որ, ըստ իս, մոնղոլական տիրապետության շրջանում Հայաստանը, այդ թվում՝ Արցախը, ավելի վատ պայմաններում չէր, քան ռուսական տիրապետության շուրջ 200 տարում...
Ընդամենը մի քանի փաստ. հենց մոնղոլների ժամանակ, 12-րդ դարում է կառուցվել Գանձասարի փառահեղ վանքը, Դադիվանքը վերանորոգվել է այդ տարիներին, միայն Արցախում մի քանի տասնյակ այլ եկեղեցիներ ու տարբեր համալիրներ են կառուցվել... Այդ ժամանակներում Հայկական լեռնաշխարհում թուրքի շունչ անգամ չկար: Ի դեպ, Ստեփանակետի մերձակա բարձունքներից մեկը կոչվում է Բովուրխան՝ ի պատիվ մոնղոլ մի խանի...
Մինչդեռ Զորիի ռուսների օրոք Հայաստանն ու հայ ժողովուրդը միայն դժբախտություններ են ճաշակել: Հենց այդ նույն ռուսների օրոք Հայաստանում հայկական դպրոցներ են փակվել, հազարավոր հայերի քշել են սիբիրները...
Որոշված է, վաղվանից ձեռնամուխ եմ լինում Մոնղոլիայի նախագահին ուղղված նամակիս: Թող գան տեր կանգնեն իրենց երկրին...